Мікалаеўшчынскі ДС-СШ імя Якуба Коласа

22 лістапада маладыя спецыялісты ўстановы адукацыі Малышчыцкая Марыя Казіміраўна, настаўнік біялогіі і хіміі і Мішук Настасся Аляксандраўна, настаўнік замежнай мовы, прынялі ўдзел у адкрытым дыялозе “Малады педагог: перспектывы прафесіянальнага і асобаснага росту” у час сустрэчы маладых спецыялістаў з прадстаўнікамі ўпраўлення адукацыі Мінскага абласнога выканаўчага камітета, Стаўбцоўскага раённага выканаўчага камітэта і аддзела адукацыі, спорту і турызму Стаўбцоўскага райвыканкама.

18 лістапада 2017 года ў рамках правядзення месячніка “Якуб Колас – наш зямляк” адбылася сустрэча з Міхасём Канстанцінавічам Міцкевічам, сынам Якуба Коласа і Міцкевіч Марыяй Міхайлаўнай, ўнучкай Якуба Коласа.

Сустрэча была пачата чытаннем вершаў славутага паэта. Вучні паказалі інсцэніроўку яго жыццясцвярджальнай казкі “Два зайцы” і прэзентавалі завочнае падарожжа “Сцежкамі Коласа”.

Госці падзяліліся ўспамінамі аб жыцці і дзейнасці бацькі і дзядулі і прэзентавалі выставу фотаздымкаў сям’і, зробленых Міхасём Канстанцінавічам у 50-я – 60-я гады, наведалі школьны літаратурна-этнаграфічны музей “Спадчынны куток”. 

у рамках правядзення раённага семінара "Прафілактыка злачынстваў і правапарушэнняў сярод непаўналетніх. Арганізацыя індывідуальнай прафілактычнай работы з непаўналетнімі". Жукава Н. М., педагог сацыяльны, правяла семінар-практыкум для настаўнікаў установы адукацыі. Махатая А. У., педагог-псіхолаг, расказала аб прычынах, сутнасці і прафілактыцы дэвіянтных паводзін падлеткаў. А так сама прадставілі прэзентацыю вопыту работы па тэме метадычнага аб'яднання.

135-годдзе з Дня нараджэння народнага паэта Беларусі Якуба Коласа шырока адзначалася на Стаўбцоўшчыне.

Традыцыйным для нашай установы адукацыі стала правядзенне ў гэты час месячніка “Якуб Колас – наш зямляк”. У рамках рэспубліканскага літаратурна-музычнага свята “Каласавіны” педагогі і навучэнцы ўстановы адукацыі прынялі ўдзел ва ўшанаванні памяці песняра ў Мікалаеўшчыне. Да помніка песняру навучэнцы і педагогі ўсклалі жывыя кветкі, вучні чыталі аўтарскія вершы, прысвечаныя славутаму земляку.

У Год навукі на юбілейным XX конкурсе работ даследчага характару (канферэнцыя) навучэнцаў устаноў адукацыі Мінскай вобласці, які прайшоў 28 кастрычніка 2017 года ў секцыі “Геаграфія ХХІ стагоддзя: погляд юнага даследчыка (геаграфія)” была прадстаўлена работа вучня 10 класа Герасімчыка Дзмітрыя “Дэмаграфічная сітуацыя вёскі Мікалаеўшчына ў святле сацыяльна-эканамічных змяненняў за апошнія 30 гадоў, або Вёска не павінна знікнуць” (кіраўнік – Каранеўская Таццяна Леанідаўна, настаўнік геаграфіі), якая атрымала дыплом І ступені.

Дарэчы, гэта не першае даследаванне Дзімы, раней ён пісаў работу па геральдыцы (сам прыдумаў герб роднай Мікалаеўшчыны), даследаваў геаграфію паступлення садавіны ў школьную сталовую.

Віншуем Дзіму з перамогай і жадаем яму далейшых поспехаў!